Bakı Bulvarı

Sabir Qasımov Nadir oğlu — azərbaycanlı rəssam və pedaqoqdur, 27 oktyabr 1973-cü ildə Şamaxı şəhərində anadan olmuşdur. 1988–1992-ci illərdə Əzim Əzimzadə adına Azərbaycan Dövlət Rəssamlıq Texnikumunda təhsil almışdır. 1992–1998-ci illərdə Azərbaycan Dövlət Mədəniyyət və İncəsənət Universitetinin Təsviri sənət fakültəsində qrafika ixtisası üzrə təhsilini davam etdirmişdir. 2001-ci ildən Qrafika kafedrasında tədris ustası kimi fəaliyyət göstərir, 2007-ci ildən isə pedaqoji fəaliyyətlə məşğuldur. 2017-ci ildə sənətşünaslıq üzrə fəlsəfə doktoru elmi dərəcəsini almış, 2018-ci ildə Qrafika kafedrasında dosent elmi adını qazanmışdır. 2005-ci ildən Azərbaycan Rəssamlar İttifaqının, 2007-ci ildən isə Azərbaycan Karikaturaçı Rəssamlar Birliyinin üzvüdür. 1998-ci ildən respublika sərgilərinin fəal iştirakçısıdır. Bir neçə elmi məqalənin, iki dərs vəsaitinin və bir metodik vəsaitin müəllifidir. 2023-cü ildə Azərbaycan Rəssamlar İttifaqının Vəciyə Səmədova adına sərgi salonunda onun fərdi sərgisi keçirilmişdir.