İslam Əhmədli — azərbaycanlı rəssamdır, 1996-cı ildə Rusiya Federasiyasının Tula vilayətinin Aleksin şəhərində anadan olmuşdur. Azərbaycan Dövlət Rəssamlıq Akademiyasında təhsil almış, 2019-cu ildə bakalavr, 2021-ci ildə isə magistr dərəcəsini almışdır. Müasir incəsənət sahəsində fəaliyyət göstərir və yaradıcılığında abstraksiya və digər müasir istiqamətlər üzərində işləyir. Yaradıcılıq prosesində yağlı boya, akril, sprey boyalar və rəqəmsal incəsənət texnikalarından istifadə edir. Rəssamlıqla yanaşı tatu ustası və qrafik dizayner kimi də fəaliyyət göstərir. 2021-ci ildən Modern Trinity yaradıcı birliyinin üzvüdür. Onun ilk fərdi sərgisi 2022-ci ilin fevral ayında keçirilmişdir.