Nigar Müslümova
Nigar Müslümova — azərbaycanlı rəssam, art-terapevt və keramika üzərində şirə ilə rəngkarlıq ustasıdır. 31 mart 1999-cu ildə anadan olmuşdur. 2011-ci ildə Volqoqrad vilayətinin Voljski şəhərində yerləşən “Rusinka” rəssamlıq məktəbini, 2019-cu ildə isə Azərbaycan Dövlət Rəssamlıq Akademiyasını bitirmişdir. 2022-ci ildən Azərbaycan Rəssamlar İttifaqının, 2025-ci ildən isə Arts Council təşkilatının üzvüdür. 2023-cü ildə EAP, WCP, OPPL və Psixoterapevtlər və Psixoloqlar İttifaqının akkreditasiyaları ilə sertifikatlaşdırılmış mütəxəssisdir. Klassik yağlı boya texnikasında, magik realizm üslubunda çalışır, həmçinin keramika sahəsində fəaliyyət göstərir. Heydər Əliyev Fondu ilə əməkdaşlıq edərək dövlət sifarişləri icra etmişdir, o cümlədən Şamaxıda “Nasimi Bağları” kurort kompleksi üçün keramika pannoları, Qəbələ rayonunun Nic kəndində yerləşən XIII əsr Alban kilsəsi üçün pano və Şərq bazarı üçün fəvvarə layihəsi. Azərbaycan və xarici yazıçıların kitablarını illüstrasiya etmişdir. Yerli və beynəlxalq sərgilərdə iştirak etmişdir. Hazırda fərdi sərgiyə hazırlaşır və art-terapevt kimi fəaliyyət göstərir. Əsərləri şəxsi kolleksiyalarda, Azərbaycan Gəmiçilik Muzeyində, Şərq bazarında, Nic kəndindəki Alban kilsəsində, “Nasimi Bağları” kompleksində, Avropa İttifaqının Bakıdakı qərargahında və ABŞ səfirliyində saxlanılır.
