Nigar Qasımova
Nigar Qasımova — azərbaycanlı rəssamdır. 2002-ci ildə Bakı şəhərində anadan olmuşdur. Yaradıcılığında impressionizm və realizm üslublarında çalışır, yağlı boya və akvarel texnikalarından istifadə edir. Azərbaycan Dövlət Rəssamlıq Akademiyasında rəngkarlıq ixtisası üzrə, həmçinin Əzim Əzimzadə adına İncəsənət Kollecində dekorativ-tətbiqi sənət və xalçaçılıq üzrə təhsil almışdır. Qarabağ Dirçəliş Fondu, Qərbi Azərbaycan İcması, Regional İnkişaf İctimai Birliyi tərəfindən təşkil olunan sərgilərdə, eləcə də Rəssamlar İttifaqının “Gənclər günü” sərgisində iştirak etmişdir. “Şərqin Günəş Palitrası” beynəlxalq simpoziumunda (Qırğızıstan) iştirak etmişdir.
