Xudafərin körpüsü

Nazim Şəmxorov Əziz oğlu — azərbaycanlı rəssamdır, 1982-ci ildə Bakı şəhərində anadan olmuşdur. 1997–2001-ci illərdə Əzim Əzimzadə adına Azərbaycan Dövlət Rəssamlıq Kollecində rəngkarlıq fakültəsində təhsil almışdır. 2001-ci ildə Azərbaycan Dövlət Rəssamlıq Akademiyasında təhsilini davam etdirmiş və 2005-ci ildə akademiyanı fərqlənmə ilə bitirmişdir. 2005-ci ildən Azərbaycan Rəssamlar İttifaqının üzvüdür. Azərbaycan Dövlət Cəfər Cabbarlı adına Teatr Muzeyində rəssam-restavrator kimi fəaliyyət göstərir. Moldova ölkəsində keçirilən beynəlxalq layihələrdə və simpoziumlarda, həmçinin Rusiya, Avropa ölkələri və Türkiyədə təşkil olunan sərgilərdə iştirak etmişdir. Yaradıcılığında postimpressionizm və fovizm üslublarına müraciət edir. Əsərləri müxtəlif ölkələrdən kolleksiyaçılar tərəfindən əldə edilmişdir. 2022-ci ildə Xətai Sənət Mərkəzində “İşığın sehrli əksi” adlı fərdi sərgisi keçirilmişdir.