,,Zaman kəsimində"

Gündüz Həbibov — azərbaycanlı rəssamdır, 9 fevral 1973-cü ildə Bakı şəhərinin Maştağa qəsəbəsində anadan olmuşdur. 1989–1993-cü illərdə Bakı şəhərində Əzim Əzimzadə adına Rəssamlıq Kollecində peşəkar bədii təhsil almışdır. 1993–1997-ci illərdə Azərbaycan Dövlət Mədəniyyət və İncəsənət Universitetində təhsilini davam etdirmişdir. Rəssam Azərbaycanda və xaricdə keçirilən bir çox sərgi və sənət layihələrində iştirak etmişdir. Onun bəzi əsərləri Bakıda yerləşən Vaqif Mustafazadə Ev-Muzeyinin daimi ekspozisiyasında nümayiş olunur. 2011-ci ildə Azərbaycan Rəssamlar İttifaqı tərəfindən təşkil olunan Xocalı faciəsinə həsr edilmiş sərgidə birinci mükafata layiq görülmüşdür.