Nar

Elvina Hüseynova — azərbaycanlı rəssamdır. 24 avqust 1989-cu ildə anadan olmuşdur. Azərbaycan Dövlət Rəssamlıq Akademiyasını xalça rəssamı ixtisası üzrə bitirmişdir. Yaradıcılığında ornamentlərin incəliyinə, naxışların detallı işlənməsinə və ənənəvi motivlərin simvolik məzmununa xüsusi diqqət yetirir. Xalçaçılıq ustalarını və rəngkarlıqla dekorativ sənətdə xalça ornamentlərindən istifadə edən rəssamları birləşdirən “İncə naxış” rəssamlar birliyinin təsisçisi və rəhbəridir. Azərbaycan xalça sənətinin ənənələrinin qorunması və inkişafına həsr olunmuş bir sıra qrup sərgilərinin təşkilatçısı olmuşdur. Onların sırasında “Ənənə və müasirlik” və “İncə naxış” sərgiləri yer alır.