Zaur Mirzəyev Zakir oğlu — azərbaycanlı rəssam və pedaqoqdur, 7 iyul 1973-cü ildə Şuşa şəhərində anadan olmuşdur. 1988–1992-ci illərdə Əzim Əzimzadə adına Azərbaycan Dövlət Rəssamlıq Texnikumunda rəsm və rəngkarlıq müəllimliyi ixtisası üzrə təhsil almışdır. 1993–1997-ci illərdə Azərbaycan Dövlət Mədəniyyət və İncəsənət İnstitutunun rəngkarlıq fakültəsində təhsilini davam etdirmişdir. Şuşa şəhərinin işğalından sonra Bakıda fəaliyyət göstərən Şuşa şəhər 1 nömrəli orta məktəbdə müəllim kimi çalışmışdır. 1999–2004-cü illərdə Bakı şəhəri Nərimanov rayonunun 258 nömrəli orta məktəbində müəllimlik etmişdir. 2009–2017-ci illərdə Şuşa Humanitar Kollecində müəllim kimi fəaliyyət göstərmişdir. 2005-ci ildən Azərbaycan Rəssamlar İttifaqının üzvüdür. Müxtəlif sərgi və mədəni layihələrdə iştirak edir.