Şahin Hüseynli — azərbaycanlı rəssamdır, 1992-ci ildə Bakı şəhərində anadan olmuşdur. 2011-ci ildə rəngkarlıq ixtisası üzrə rəssamlıq kollecini bitirmişdir. Rəngkarlıq və qarışıq texnika sahəsində fəaliyyət göstərir. Teatr sahəsində butafor-rəssam kimi 16 ildən artıq peşəkar təcrübəyə malikdir. 2025-ci ildən Azərbaycan Teatr Xadimləri İttifaqının üzvüdür. Bir çox yerli və beynəlxalq sərgilərdə iştirak etmişdir. 2021-ci ildə Moskvada yerləşən “Eurasium” qalereyasında keçirilən ART–SPACE / ART–KOSMOS beynəlxalq sərgisində “YUXU” adlı əsəri ilə birinci yerə layiq görülmüşdür. Yaradıcılığında müəllif istiqaməti olan Data Expressionism üslubunda çalışır.