Nazim Şahverdiyev (Nazim Şah) — azərbaycanlı rəssam və şairdir, 1974-cü ildə Füzuli rayonunda anadan olmuşdur. 1993-cü ildə Əzim Əzimzadə adına Rəssamlıq məktəbini bədii tərtibat fakültəsi üzrə, 1997-ci ildə isə Azərbaycan Dövlət Mədəniyyət və İncəsənət Universitetini rəngkarlıq ixtisası üzrə bitirmişdir. 2005-ci ildən Azərbaycan Rəssamlar İttifaqının, eyni zamanda Azərbaycan Yazıçılar Birliyinin üzvüdür. Kağız üzərində qarışıq texnikada (tuş, akril və s.) işləyir. 1997-ci ildən etibarən beynəlxalq və respublika sərgilərində fəal iştirak edir, Azərbaycanda və xaricdə fərdi sərgilər təşkil etmişdir. Əsərləri Türkiyə, ABŞ, İran, Belçika, Rusiya, Fransa və Vyetnamda şəxsi kolleksiyalarda saxlanılır.