Mətanət Ağayeva — azərbaycanlı rəssamdır, 16 dekabr 1985-ci ildə Bakı şəhərində anadan olmuşdur. 3 nömrəli peşə məktəbini (dərzilik, kompüter operatoru) bitirmiş, daha sonra Azərbaycan Dövlət Rəssamlıq Akademiyasında təsviri incəsənət üzrə qrafika (kitab qrafikası) ixtisası üzrə təhsil almışdır. Azərbaycan Rəssamlar İttifaqının üzvüdür. Fantastika, illüstrasiya, qrafika, avtoportret və anime janrlarında işləyir. 2011-ci ildən etibarən bir çox sərgi və müsabiqələrdə iştirak edir. Divar rəsmləri, karikatura və keramika məhsulları üzərində işləyir. Hazırda Access Academy-də rəsm müəllimi kimi fəaliyyət göstərir.