Kamran Kərimli — azərbaycanlı rəssamdır, 1986-cı ildə Sumqayıt şəhərində anadan olmuşdur. 2004–2007-ci illərdə natamam ali tibb təhsili almışdır. 2011–2015-ci illərdə Azərbaycan Dövlət Rəssamlıq Akademiyasında təhsil alaraq dekorativ-tətbiqi incəsənət (qobelen) ixtisası üzrə bakalavr dərəcəsi qazanmışdır. Yaradıcılığında predmetli və qeyri-predmetli abstrakt rəngkarlıqla məşğul olur. Azərbaycanda keçirilən müxtəlif sərgilərdə iştirak etmişdir. Azərbaycan Rəssamlar İttifaqının üzvüdür. Yaradıcılığında yağlı boya, tempera, akvarel, pastel və digər materiallardan istifadə edir. Hazırda Abşeron rayonunun Pirəkəşkül kəndində yaşayır və Azərbaycan Dövlət Gənc Tamaşaçılar Teatrında butafor-dekorator kimi çalışır.