Fatma İmanova — azərbaycanlı rəssamdır, 1993-cü ildə Bakı şəhərində anadan olmuşdur. 2011-ci ildə Azərbaycan Dövlət Rəssamlıq Akademiyası nəzdində İncəsənət Kollecini dekorativ-tətbiqi və xalq sənəti (xalça rəssamlığı) ixtisası üzrə bitirmişdir. 2015-ci ildə Azərbaycan Dövlət Rəssamlıq Akademiyasını təsviri sənət (müasir rəngkarlıq) ixtisası üzrə bitirmişdir. Almaniya, Türkiyə, Misir, İtaliya və Ukrayna daxil olmaqla müxtəlif beynəlxalq və yerli sərgilərdə iştirak etmişdir. Bir sıra müsabiqələrin laureatıdır və 2021-ci ildə Azərbaycan Rəssamlar İttifaqı tərəfindən xüsusi prezident təqaüdünə layiq görülmüşdür. 2023-cü ildən Azərbaycan Rəssamlar İttifaqının üzvüdür. Hazırda rəssam və müəllim kimi fəaliyyət göstərir.