Fəqanə Əliyeva — azərbaycanlı rəssamdır, 20 yanvar 1983-cü ildə Bakı şəhərində anadan olmuşdur. 2003–2007-ci illərdə Azərbaycan Dövlət Rəssamlıq Akademiyasının rəngkarlıq ixtisası üzrə bakalavr pilləsini, 2018–2019-cu illərdə isə magistratura pilləsini bitirmişdir. Təhsil aldığı dövrdə Azərbaycanın Xalq rəssamları Böyükağa Mirzəzadə və Cəlil Hüseynovdan dərs almışdır. 2005-ci ildən Azərbaycan Rəssamlar İttifaqının üzvüdür. Yerli və beynəlxalq sərgilərdə fəal iştirak edir. Əsərləri Türkiyə, Çin, Sinqapur, Rusiya və Avropa ölkələrində nümayiş olunmuşdur. Bir çox beynəlxalq və respublika sərgilərinin iştirakçısı və müsabiqə laureatıdır.