Əliyar Allahverdiyev — azərbaycanlı heykəltəraşdır, Bakı şəhərində yaşayır və fəaliyyət göstərir. 2010–2019-cu illərdə Bakı şəhəri Binəqədi rayonunda yerləşən 314 nömrəli orta məktəbdə təhsil almışdır. Daha sonra Əzim Əzimzadə adına Azərbaycan Dövlət Rəssamlıq Kollecinin heykəltəraşlıq ixtisasına qəbul olunmuş və 2023-cü ildə oranı bitirmişdir. 2024-cü ildən etibarən Azərbaycan Dövlət Rəssamlıq Akademiyasında heykəltəraşlıq ixtisası üzrə bakalavr təhsilini davam etdirir. Onun əsərləri müxtəlif mövzular üzrə yaradılmış kompozisiyalarla xarakterizə olunur və bu kompozisiyalarda dinamika və harmoniya hissi əks olunur. Yaradıcılığında gips, poliester, daş, mərmər, metal və digər materiallardan istifadə edir. 2023-cü ildən etibarən yerli və beynəlxalq sərgilərdə iştirak edir.