Aliya Tomtiyeva — Bakıda yaşayan və fəaliyyət göstərən azərbaycanlı rəssamdır. Azərbaycan Dövlət Rəssamlıq Akademiyasında təsviri incəsənət fakültəsi üzrə qrafika ixtisasında bakalavr və magistr təhsili almışdır. Yaradıcılığında əsasən mənzərə, natürmort və portret janrlarında işləyir. Əsərlərində müxtəlif rəng həlləri və kompozisiya vasitəsilə təbiətin gözəlliyini, insan emosiyalarını və həyatın estetik tərəflərini ifadə etməyə çalışır. Yaradıcılıq fəaliyyətində qrafika, yağlı boya və akvarel texnikalarından istifadə edir. Tələbəlik illərindən etibarən Azərbaycanda keçirilən müxtəlif sərgilərdə iştirak edir. Hazırda fərdi yaradıcılıq fəaliyyəti ilə məşğuldur.